للشــاعــر مــحــمــد بــن مــجــول الــعـــجــمــي
إرتعش نبض الخفوق ونادت أشواقي لقلبـك
وإبتدى همس العيـون يقـول يادلـي ولبـا
صاحت كفوفي تنادي تلتمس نبضك وقربـك
وإكتشفت إنك ملاك الروح في جوفـي تخبـا
العهد واجب محبك شاهـد(ن) ربـي وربـك
وإن رضاتك تلزم المحبوب في وصل المحبـا
قلت بكتبك بحياتي حب عمري وأستظل بـك
ثم لقيتك فيني كلـك ياغـرام(ن) مستصبـا
باح مكنون الحشايا يوم دربي صـار دربـك
قلت بسم الله وسمي شايبـن لأجلـك تصبـا
ماقوى يسكن شتات ولاقوت روحـه تشبـك
وإبتدت نارن هشيمه فالضلـوع تزيـد شبـا
دون كل الخلق جيتك يوم إسمي مرتبـط بـك
ما منعني دون وصلك هرج ناسن مـا إتربـا
لو هو إن الموت قربك والمنايا تستلـذ بـك
مرحبا بالموت دامه من يدينـك لـي يصبـا
يوم ضاق الغيم يشكي من حموله لين صبـك
كن حضني لك فيافي جـرد وأشـواق تهبـا
وإرتويتك وإنثنيت أعيش في ظلـك وحبـك
وش عليا ماعليـا قـد غرامـك بـي تعبـا
حبي ليكو (شوف حكيي ) يوم قلبي صار قلبك
والله إني قلتها لك شايـب(ن) لجلـك تصبـا